O rí gbogbo èdè òkè wọ̀nyẹn? A ṣe ìtumọ̀ ìròyìn Global Voices (Ohun Àgbáyé) láti mú ìròyìn ará ìlú àgbáyé sétígbọ̀ọ́ ènìyàn gbogbo.

Kín ni Global Voices?

Photo taken on January 25, 2015 in Cebu, Philippines, to commemorate GV's 10th anniversary.CC BY-NC 2.0.

Àwòrán ìsààmì ayẹyẹ ọdún mẹ́wàá tí a dá GV ní Cebu, Philippines. CC BY-NC 2.0

Ohùn Àgbáyé jẹ́ àjọṣe àwọn agbédègbẹyọ̀ oníròyìn, akọbúlọ́ọ̀gù, atúmọ̀-èdè, olùkọ́, àti ajàfún-ẹ̀tó ọmọnìyàn kárí ayé. Pẹ̀lú inú kan, à ń lo agbára ẹ̀rọ ayélujára fún ìbáṣepọ̀ t'ó ní láárí. Báwo ni a ṣe ń ṣe é?

  • Ìròyìn:  ikọ̀ agbédègbẹyọ̀ láti yàrá ìròyìn wa máa ń rò nípa àwọn ènìyàn tí ohùn tàbí ìrírí wọn ò wọ inú ìròyìn ilé-iṣẹ́ oníròyìn ńlá.
  • Túmọ̀ èdè: àwọn atúmọ̀ èdè Lingua l'ọ́fẹ̀ẹ́ wa ní í ṣiṣẹ́ takuntakun láti tú ìmọ̀ ìròyìn sí èdè àgbáyé kí ìròyìn ba yé òǹkàròyìn yékéyéké níbikíbi lágbàáyé.
  • Ìgbèjà: ikọ̀ Advox team wa máa ń jà fún òmìnira ọ̀rọ̀ sísọ lórí ayélujára, pàápàá jù lọ ọ̀ràn òfin, ìdẹ́rùbà tàbí ìhàlẹ̀ ojúkorojú mọ́ àwọn t'ó ń fi ẹ̀rọ-ayélujára fọhùn ọ̀ràn t'ó kan ènìyàn gbogbo.
  • Ìrólágbára: Rising Voices Ohùn Tó-ń-dìde ń dá àwọn ìlú àti agbègbè tí ilé iṣẹ́ akọ̀ròyìn ò kọ nípa wọn l'ẹ́kọ̀ọ́ bí wọn ṣe lè lo irinṣẹ́ ìròyìn àlákòópa.

Ohùn Àgbáyé gẹ́gẹ́ bí àṣà, ní àkànṣe iṣẹ́ kan tàbí méjì l'ẹ́ẹ̀kan náà. Àkànṣe iṣẹ́ ọdún 2018 ni Ìṣọwọ̀Kọ̀ròyìn NewsFrames t'ó jẹ́ àjọṣepọ̀ àlàyé pẹrẹhu àti iṣẹ́ ìtúmọ̀ wa t'ó ń lọ lọ́wọ́,
Translation Services project, tí ó ń ṣe iṣẹ́ ìtúmọ̀ fún ilé-iṣẹ́ t'ó nílòo rẹ̀ fún owó bíntín.

Ẹgbẹ́

Àwọn aládàásí iṣẹ́ ọ̀fẹ́ ni ẹ̀rọ t'ó ń mú Ohùn Àgbáyé ṣiṣẹ́. Láfikún ìròyìn kíkọ àti títúmọ̀ ìròyìn, aládàásí ń fi ìmọ̀ ìbílẹ̀ lélẹ̀ àti ìsopọ̀ àwọn Ohùn Àgbáyé tí ó ń ṣe iṣẹ́ kan náà kárí ayé. Àwọn aládàásí wa.

Àjọṣepọ̀ pẹ̀lú ilé-iṣẹ́ akọ̀ròyìn àti ilé-iṣẹ́ tí kì í ṣe ti ìjọba jẹ́ ọ̀kan pàtàkì nínú iṣẹ́ Ohùn Àgbáyé gẹ́gẹ́ bí ẹgbẹ́, ilé-iṣẹ́ akọ̀ròyìn, àti ajàfún-ẹ̀tó òmìnira ọ̀rọ̀ sísọ. Learn about our partnerships. Kọ́ nípa àjọṣepọ̀ wa.

Aṣáájú àti Ìdarí

Ọ̀pọ̀lọpọ̀ alákòóso, akọ̀ròyìn àti olùdarí lóríṣiríṣi ní òpó tí Ohùn Àgbáyé dúró lé lórí. Agbáṣẹ́ṣe àti òṣìṣẹ́ ń ṣiṣẹ́ lábẹ́ òfin tó dé òṣìṣẹ́. Àwọn aṣáájú wa.

Ìgbìmọ̀, àwọn olùdásílẹ̀, aṣiṣẹ́ l'ọ́fẹ̀ẹ́ àti òṣìṣẹ́, pẹ̀lú àwọn àgbà ọ̀jẹ̀ alátinúdá nípa ẹ̀rọ-ayélujára ní í tukọ̀ Ohùn Àgbáyé. Kò sí ẹni tó ń gba owó nínú ọmọ ìgbìmọ̀. Àwọn ìgbìmọ̀ wa.

Kọ́ sí i lẹ́kùnúnrẹ́rẹ́ nípa iṣẹ́ẹ wa àti àgbékalẹ̀ òṣìṣẹ́ lójúewé Ojúṣẹ ti Atọ́nà Ẹgbẹ́ Ohùn Àgbáyé

Ipò lábẹ́ òfin àti Ìkówólélórí

Ìlú Netherlands ni a ti ṣe ìdàpọ̀ Ohùn Àgbáyé mọ́n Ohùn Àgbáyé Stichting, ilé-iṣẹ́ ìpìlẹ̀ tí-ò-lérè-lórí. A gbọ́kàn lé owó ìrànwọ́ láti ọ̀dọ̀ onígbọ̀wọ́ wa, àjọ ìjọba tí ó ń rí sí ìròyìn, àti ìkówójọ àwọn èèyàn onínúure. Kà sí i nípa iṣẹ́ẹ wa àti bí a ṣe ń kówó jọ nínú àkọsílẹ̀ ọdọọdún wa.

O fẹ́ ẹ̀kúnrẹ́rẹ́ àlàyé? Ka ìbéèrè Tó-wọ́pọ̀.

STICHTING GLOBAL VOICES
151 Kingsfordweg
1043GR Amsterdam
Netherlands
RISN No: 818855605